මමත් එක්ක.. වසරක් පුරා,දින,සති,මාස ඔබ පසු කලා....

රාත්‍රී 12 පසුවී මිනිත්තු කිහිපයක් ගෙවි ගොස් අවසන් වී හමාරය.මමත් සිත් සේ මගේ හීන ලෝකේ රවුමක් ගහන ගමන් ඉන්න වෙලාවක ,
මගේ සල්ලි කන මැසිම කෑ ගැසීමට පටන් ගත්තේ හීන ලෝකේ ජනාධිපති හමු වීමට යොදා ගත් වෙලාවට මොහොතකට පෙර,
ලොක්කා හමු වෙන එක පැත්තකින් තියලා නිදි මර ගාතෙම ගත්තා සල්ලි කන මැසිම් අතට.



+හෙලෝ.......හෙලෝ කවුද මේ කතා කරන්නේ ?
-හෙලෝ මේ මම බන්
+මම කියන්නේ කවුද බන් නම කියපන්කෝ ඔබේ නොම්බරේ මගේ ලග නෑ
-මම බන්
+මේ උබලා මළගෙදරක නිදි මරනවා නම් බයිට් කරන්න වෙන එකෙක් හොයා ගනිව් යකෝ දැන් දෙයියනේ කියලා ඔක පැත්තකින් තියලා මට ඉන්න දීපිය
-අඩෝ එහෙම කතා කරන්න එප බන්
+හරි එහෙනම් කියපන් බලන්න ඔබ කවුද කියලා,කාටද කතා කරන්න ඔනේ,මම රංගන
-කතා කරන්නේ මම මට කතා කරන්න ඔනේ රංගනට තමයි
+ඔන්න දැන් උබ මගේ %^^&*%$!@ හදන්නේ
-තරහා ගන්න එපා බන් මම බන් මේ
+යකෝ උබ මාව පිස්සෙක් කරන්නද හදන්නේ ඔක තියපන් මට ලොක්කව හම්බෙන්න යන්න තියෙනවා
-හා උබ යන දිහාක පලයන් මම උබට කතා කලේ ඔබ තව අවුරුද්දකින් වයසට ගියා කියලා කියන්න
+ඒ කිවුවේ ?
-ඒ කිවුවේ අද තොගේ උපන් දිනේ මම කතා කලෙ උබට සුභ පතන්න "සුභ උපන් දිනයක් රංගන" .
+අහ්..... ඒක අමතක වුනා බන් බොහෝම ස්තුතියි උබට මතක් වුනාට.ඇත්තටම උබ කවුද බන්
-මේ මම බන් "මම උබේ හිත".
+තැන්කූ මචන් සුභ පැතුවට අනික මාත් එක්ක මේ වෙනකල් හැමදාම මාත් එක්ක හිටියට ස්තුතියි.
-එල බන් දැන් නිදා ගනින්.ගුඩ් මොර්නින් ආ .....

දැන් මම තවත් වයට ගිහින් යළුවන්ට රාජකාරී අධික නිසා අමතක වෙන්න ඇති.අවුලක් නෑ මට තාම මගේ එකම එක යාළුවෙක් මාත් එක්ක ඉන්නවානේ ඒ ඇති ඒ තමයි "මගේ හිත".

පෙර දවස, මම  මිතුරු මිතුරියන් විශාල ප්‍රමාණයකට උරුම කම් කීවද,
අද වන විට මම හුදෙකලා වී සිටියට,
ඔවුනට ඉතා විශාල භාරදූර වගකීම් සහිත 'ව' ජීවිතය ගෙවයි එම නිසා ඔවුනට වරදක් කිව නොහැක,
වරද ඇත්තේ මගේ අතේ.

"ඉදින් මේ තනිකම සුන්දරව විඳින්න හිතා ගත්තා... බොහෝ වෙලාවට මිනිස්සු අමාරුවෙ වැටෙන්නෙ තමන්  ආසම කරන දේවල් පිටුපස්සෙ හඹා යන්න පටන් ගත්තාම .. ඒ දේ මමත් අත් විඳල තියෙනව ..!!

                                                                                     උපුටා ගැනීම :-සංකල්පනා කුරුලුත් එක්ක ආදරෙන්  "


මේ ලොකේ දන්න දේට වඩා නොදන්න දේ ගොඩාක් තියෙනවා ඒවා අතරින් වටහා ගැනීමට අපහසුම දේ තමා , මිනිසා නම් අරුම පුදුම නිර්මාණය.

මමත් එක්ක..
වසරක් පුරා,
දින,සති,මාස ඔබ පසු කලා,
නැවතීමට බැරි නිසා
ගියත් නුබ දුකක් නෑ " විසි තුන ".
" විසි හතර " මග එන නිසා .