ටානියා ගැන නොයෙකුත් දේ සිහින මවමින් අපි දෙදෙනාම අප දෙදෙනාට යාමට තිබූ ස්ථානයට විනාඩි කීපයකට කලින් ලඟාවූයෙමු. ඒ වනවිටද අසීස් පැමින සිටි නමුත් ඔහුගෙන් දිස් වූයේ වෙනදාට වඩා කලබලකාරී ගතියකි.
"ආ මල්ලිලා වෙලාවටම වැඩ නේද.. උඹල දෙන්නට මම ගොඩක් කැමති ඔන්න ඔය නිසානෙ. වෙලාවටම වැඩ. ඉතින් කොහොමද ජිවිතේ ? "
"අපි හොඳින් අයියා.. මොකෝ මේ අපිට හදිසියේම එන්න කිව්වෙ... "
"ඕකේ.. මෙගා සීන් ඕනෙ නැහැ . අපි කෙලින්ම කතාවට බහිමු මට මේක හදිසියේම පැවරුන වැඩක්. මට ඉතින් උඹල දෙන්න විතරනෙ ඉන්නෙ"
" හරි හරි අයියා.. අටුවා ටිකා නැතිව කියන්නකො මොනවද වෙන්න ඕන කියලා. අපි ඉතින් කවදාවත් අයියය බැහැ කියල නැහැනෙ. නැද්ද දිනුක? "
"හරි හරි.. මේකයි සිද්දිය, හෙට ජර්මන් කාරයො දෙන්නෙක් එනවා තාජ් හෝටලය ගාවට. උඹලට තියෙන්නෙ මම දෙන මෙන්න මේ පාර්සල් එක ඒ දෙන්නට ගිහින් දෙන්න."
"පාර්සල් එකක් !!! මොනාද තියෙන්නෙ ?? "
"ම්ම්ම් .. ජෙම්ස් වගයක් තියෙන්නෙ. කෝටි ගානක බිස්නස් එකක්. මට ඉතින් උඹල දෙන්න විතරයි මේ වැඩේ කරගන්න විස්වාස කරන්න පුළුවන්"
" හරි අයියෙ. අපි කරන්නම්.. දෙන්නකො ඩීටේල්ස් ටික."
" ඔය තියෙන්නෙ මල්ලි වෙඩි වගේ වැඩ"
